Totus Floreo
-----------

Tempus est iocundum, o virgines,
modo congaudete vos iuvenes.

Oh, oh, totus floreo,
iam amore virginali totus ardeo,
novus, novus amor
est, quo pereo.

Mea me confortat promissio,
mea me deportat negatio.

Oh, oh, totus floreo...

Mea mecum ludit virginitas,
mea me detrudit simplicitas.

Oh, oh, totus floreo...

Sile, philomena, pro tempore!
Surge, cantilena, de pectore!

Oh, oh, totus floreo...

Tempore brumali vir patiens,
animo vernali lasciviens.

Oh, oh, totus floreo...